Transkript_Urkunde_3.txt

Nr.3
Kaiser Matthias IL bestätigt und privilegiert die Universitätsstiftung 
des Paderborner Fürstbischofs Dietrich von Fürstenberg 
Prag, 14. Dezember 1615 

Matthias divina favente clementia electus
Romanorum imperator semper augustus, ac Germaniae, Hungariae, Bohemiae, Dalmatiae,
Croatiae, Sclavoniae et cetera: Rex,[Komma, Punkt?] Archidux Austriae, Dux Burgundiae, Brabantiae, Stiriae, Carinthiae, Carniolae et cetera: Marchio Moraviae et cetera: Dux Lucemburgiae, ac superioris et inferioris Silesiae, Wirttembergae[verdeckt] et Teckae, Princeps Sueviae, Comes Habspurgi, Tirolis, Ferretis, Kiburgi, et Go[Bindestrich]
ritiae, Landgravius Alsatiae, Marchio Sacri Romani Imperii Burgoniae, ac superioris et inferioris Lusatiae, Dominus Marchiae Sclavonicae, Portus Naonis et Salinarum et cetera: Agnoscimus et praesentium tenore notum facimus universis. Postquam Praepotentis Dei concessu ac 
munere ad Imperialis dignitatis fastigium evecti sumus, ad Officii nostri munus imprimis pertinere existimamus, Maiorum nostrorum Romanorum Imperatorum ac Regum, qui inter alias supremae potestatis curas, hanc imprimis dignitate sua dignam existimarunt, ut varia in 
Sacro Imperio Gymnasia et universalia Studia instituerent, fundarent et confirmarent, exemplo solicite curare, ut Liberalium Artium ac Scientiarum studia, quae ad Ecclesiae ac Reipublicae gubernationem et conservationem necessaria et opportuna sint, excolantur;[?] et conveni[Bindestrich]
entibus honoribus ac praemiis excitentur, nostroque auspicio felicia incrementa consequantur. Quamobrem a venerabili nostro et Sacri Imperii Principe Theodoro Episcopo Paderbornensi humiliter rogati, ut quod magno labore gravibusque expensis in Civitate sua Paderborna 
instituit atque erexit Collegium, cui patres Societatis Jesu praesint, requisitis rerum omnium commoditatibus locupletatum et accommodatum, auctoritate nostra Caesarea confirmare, nec non privilegiis, libertatibus, et praerogativis universalis Studii munire et exornare di[Bindestrich]
gnaremur: Nos maturo super hoc habito consilio ac deliberatione, precibus eiusmodi per 
sese honestis et aequis benigne locum dandum duximus. Ac proinde ex certa scientia, ac de Caesareae nostrae potestatis plenitudine in vim motus proprii antedictum Collegium ab eodem vene[Bindestrich]
rabili Theodoro Episcopo Paderbornensi erectum ac fundatum tenore praesentium omni meliori via et modo instituimus, et in Gymnasium ac Studium Universale erigimus, fundamus et confirmamus, illudque una cum personis ibidem profitentibus ac studentibus Privilegiis 
omnibus, immunitatibus, honoribus et gratiis, quibus alia Gymnasia eorumque membra utuntur, fruuntur et gaudent, donamus, insignimus et exornamus. Volentes et eadem auctoritate nostra Caesarea decernentes, quod Rector, et Visitatores, aut Professores, et
personae idoneae, ad id per Superiores Societatis Jesu iuxta formulam Dilinganae, aliarumque Academiarum in eiusdem Societatis Constitutionibus comprehensam deputandae possint et valeant in praedicto Gymnasio seu universali studio in duabus facultatibus, Sa[Bindestrich]
cra nimirum Theologia, nec non Philosophia et quibuscunque seientiis in Gymnasiis Societatis Jesu tradi solitis legere, et Lectiones et Disputationes, et Repetitiones publicas facere, Conclusiones palam proponere, ac praedictas Scientias docere, interpretari, glossare, et 
dilucidare, omnesque Actus Scholasticos exercere, eo modo, ritu et ordine qui in ipsorum Gymnasio hactenus usitatus est, aut in caeteris Universitatibus et Gymnasiis publicis Societatis Jesu observari solet. Porro cum ipsa Studia eo feliciori gradu procedant et maius sumant 
incrementum, si ingeniis et disciplinis ipsis suus honos, seu dignitatis gradus statuatur; ut emeriti aliquando digna laborum suorum praemia consequantur: statuimus et ordinamus, ut per Collegia Doctorum, seu Professorum electis ad id idoneis et prae ceteris excellentioribus,
si qui ad sumendam paImam certaminis sui idonei iudicati [oder indicati] fuerint, adhibito prius per ipsos Doctores et Professores in qualibet facultate pro more et consuetudine atque solennitatibus et ritu in ceteris Universitatibus observari solitis, rigorosa et diligenti examine (in quo con[Bindestrich]
scientias ipsorum Professorum onerari volumus:) in Theologia, Philosophia et liberalibus artibus eos qui examini se submiserint, seque pro more et iuxta statuta Scholarchis per aliquos dignos et honestos viros de gremio ipsius Collegii praesentari fecerint, possint ad ipsum examen ad[Bindestrich]
mitti, et invocata Spiritus Sancti gratia examinari, et si hoc modo habiles, idonei, et sufficientes reperti et iudicati [oder indicati] fuerint, Baccalaurei aut Magistri, aut Licentiati, aut Doctores pro uniuscuiusque scientia et doctrina creari, et huiusmodi dignitatibus insigniri, nec non per Bireti imposi[Bindestrich]
tionem, et Annuli ac Osculi traditionem, ceterisque consuetis solennitatibus investiri et consueta ornamenta atque Insignia dignitatum praedictarum eis tradi et conferri. Quodque Baccalaurei, aut Magistri, aut Licentiati, aut Doctores in eadem Academia promoti et promovendi de[Bindestrich]
beant et possint in omnibus Locis et Terris Sacri Romani Imperii, et ubique Terrarum et Locorum libere omnes actus Professorum legendi, docendi, interpretandi et glossandi facere et exercere, quos ceteri Professores, Baccalaurei, Magistri, Licentiati et Doctores in aliis Studiis privile[Bindestrich]
giatis promoti et insigniti exercent et exercere possunt et debent de consuetudine vel de Iure. Ceterum quo praefatum Gymnasium Paderbornense suis gubernatum Magistratibus solidiori et firmiori consistat fundamento, omnes et singulas ordinationes et statuta hacte[Bindestrich]
nus in eo facta tenore praesentium confirmamus, et insuper damus et concedimus Scholarchis, Doctoribus, Professoribus et Scholaribus in dicta Academia quoquo tempore existentibus auctoritatem et potestatem condendi et faciendi statuta et ordinationes iuxta consuetudinem ce[Bindestrich]
terarum universitatum. Ad haec damus et concedimus eiusdem Societatis superioribus potestatem creandi et constituendi Rectorem Scholae, et visitatores, et Professores, item Procuratores ad negotia vel Syndicos, sive alios quoscunque Officiales Universitatis, prout ipsis visum
fuerit expedire. Praeterea volumus et decernimus per praesentes, quod Scholastici, ac ibidem dignitatem seu gradum aliquem assumentes gaudeant et potiantur, utique, frui, gaudere et potiri possint, ac debeant omnibus et quibuscunque gratiis, honoribus, dignitatibus, 
praeeminentiis, praerogativis, privilegiis, concessionibus, favoribus et indultis, ac aliis quibuslibet quibus Universitas Heidelbergensis, Tubingensis, Friburgensis, Ingolstadiensis, ac alia Studia privilegiata, ac Doctores, Licentiati, Magistri, Baccalaurei et Scholastici istic promo[Bindestrich]
ti, aut aliqua dignitate seu gradu insigniti gaudent, utuntur, fruuntur et potiuntur, quomodolibet consuetudine vel de Iure. Non obstantibus aliquibus privilegiis, indultis, praerogativis, gratiis, statutis, ordinationibus, legibus, constitutionibus, reformationibus, exemptionibus,
aut aliis quibuscunque in contrarium facientibus. Quibus omnibus et singulis ex certa nostra scientia, animo deliberato et motu proprio hisce derogamus et derogatum esse volumus per praesentes.Nulli ergo omnino hominum liceat hanc nostrae confirmationis, erectionis, in[Bindestrich]
dulti, concessionis, et privilegii gratiam, vel facultatem infringere, aut ei quovis ausu temerario contravenire, seu illam quovis modo violare. Si quis autem id attentare praesumpserit, nostram et Imperii Sacri indignationem gravissimam, et poenam Centum Marcharum auri puri, toties, quoties 
contrafactum fuerit, se noverit irremissibiliter incursurum, quarum dimidiam Imperiali Fisco, seu Aerario nostro, reliquam vero partem saepenominato Venerabili Theodoro Episcopo et, eius Successoribus decernimus applicandum [oder applicandam]. Harum testimonio Litterarum manu nostra subscri[Bindestrich]
ptarum, et Sigilli nostri Caesarei appensione munitarum. Datum in Arce nostra Regia Pragae, die decima quarta Mensis Decembris, Anno Domini, Millesimo, Sexcentesimo, decimo Quinto. Regnorum nostrorum, Romani 
quarto, Hungarici octavo, Bohemici vero Quinto. 

[Locus sigilli] Matthias 

[Ausgeklappt] [Hier deutliche Leseschwierigkeiten]
Vice Rex uri Dui fo: Swicavcj
Archicancellarii & Elect: Mog:



[Umgeklappt]
Admandatum Sacrae Caesareae
Maiestatis proprium.
Jo. Barvitius